තැපැල්පත්
තැපැල්පත් (ජාත්යන්තර)
සුභ පැතුම් යැවීමට, සංචාරක අත්දැකීම් බෙදා ගැනීමට හෝ අඩු වියදමකින් මිතුරන් සහ පවුලේ අය සමඟ සම්බන්ධව සිටීමට තැපැල්පත් භාවිතා කරන්න. සේවාව ලබා ගත හැක්කේ ගුවන් තැපෑලෙන් පමණි.
- ශක්තිමත් කඩදාසි හෝ කාඩ්බෝඩ් වලින් සාදන ලද තනි හෝ දෙපැත්ත නවන ලද පත්රිකා (හොඳින් ගම් ගා අලවන ලද), විදේශ තැපැල්පත් ලෙස සළකනු ලැබේ.
- තැපැල්පත් ආවරණ රහිතව එනම් එතුම් කඩදාසි හෝ කවරයක් රහිතව යැවිය යුතුය. ඒවා යැවිය හැක්කේ ගුවන් තැපැල් මඟින් පමණි. ඒවා ලියාපදිංචි කල හැකිය. මේ සඳහා අමතර ලියාපදිංචි ගාස්තුවක් ගෙවිය යුතුය.
- තැපැල්පතක් සඳහා තැපැල් ගාස්තුව කළින් ගෙවා නොමැති නම්, තැපැල්පත ලිපි හිමියා වෙත ලබා දීමට පෙර අධිභාරයක් අය කරනු ලැබේ. අධිභාරය ගෙවිය යුතු තැපැල් ගාස්තුව මෙන් දෙගුණයකි. අවම අධිභාරය වන්නේ රු.160/- කි..
ප්රමාණ සීමාවන්
- උපරිම ප්රමාණ සීමාවන් වන්නේ,
උපරිම දිග :159mm
උපරිම පළල :100mm
- අවම ප්රමාණ සීමාවන් වන්නේ
අවම දිග : 140 mm
අවම පළල : 90 mm
නොගෙවන ලද හෝ අඩුවෙන් ගෙවන ලද තැපැල්පත්
- නොගෙවන ලද හෝ අඩුවෙන් ගෙවන ලද තැපැල්පත් ප්රථමයෙන් යවන්නා විසින් නිවැරදි කළ යුතුය.
- යවන්නා වෙතින් නිවැරදි කර ගත නොහැකි තැපැල්පත් සඳහා, නියමිත ගාස්තුවෙහි හිඟ මුදල මෙන් දෙගුණයක ගාස්තුවක් ලිපි හිමියාගෙන් අය කරනු ලැබේ.
- තැපැල්පතෙහි දකුණු පස ලිපිනය සහ තැපැල් සටහන්, ලේබල් සහ තැපැල් මුද්දර සඳහා වෙන් කරනු ලැබේ
- ලිපිනය සහිත පැත්ත සම්පූර්ණයෙන්ම හෝ කොටසක් හෝ කපා දමා තැපැල්පත් යැවීම තහනම්ය. (එසේ වී නම් ලිපිනය නැවත ලිවිය හැකිය)
- යවන්නා විසින් පහත විධිවිධානයන්ට අනුකූලව තැපැල්පතෙහි වම්පස සහ/හෝ පිටුපස භාවිතා කරනු ඇත.
- වෙළඳ භාණ්ඩ හෝ එම නියැදි හෝ ඒ හා සමාන වෙනත් ද්රව්ය තැපැල්පතට අමුණනු නොලැබේ.
- කෙසේනමුත්, නිදර්ශන, ඡායාරූප, මුද්දර හෝ ඕනෑම ආකාරයක කඩදාසි ලේබල් හෝ වෙනත් සිහින් ද්රව්ය තැපැල්ලතට ඇමිණිය හැකිය.
- අමුණන ලද ද්රව්ය තැපැල්පතට සම්පූර්ණයෙන් අමුණා ඇත්නම් සහ එවැනි ඇමිණුමක් මඟින් තැපැල්පතෙහි පෙනුම වෙනස් නොකරන්නේ නම් පමණක් ඒවා යැවිය හැකිය.
- ලිපිනය සහිත පැත්ත සම්පූර්ණයෙන් ආවරණය වී ඇත්නම් ලිපිනය සහිත ලේබල් ඇමිණිය හැකිය.
- තැපැල් මුද්දර ලෙස වරදවා වටහා ගත හැකි මුද්දර තැපැල්පතෙහි පිටුපස පමණක් ඇලවිය යුතුය.
- තැපැල්පතක ලිපිනය පැත්තේ දකුණු පස සෑම විටම ලබන්නාගේ ලිපිනය, තැපැල් මුද්දරය සහ තැපැල් උපදෙස් (තැපැල් ලේබල් වැනි) සඳහා වෙන් කර ඇත. මුද්දරය ඉහළින් ඇලවිය යුතුය
- තැපැල්පතක ලිපිනය පැත්තේ වම් පස අපසු එවිය යුතු ලිපිනය ලිවීමට හෝ වෙනත් ලිපියක් ලිවීමට භාවිතා කරනු ලැබේ. තැපැල් පතෙහි පිටුපස අවශ්ය තොරතුරු ලිවීම සඳහා භාවිතා කරනු ලැබේ.
- තැපැල් ගාස්තු ලෙස වරදවා වටහා ගත හැකි සියළුම මුද්දර තැපැල්ලතෙහි පිටුපස පමණක් ඇලවිය යුතුය.
- ව්යවස්ථා හෝ ප්රමාණ සීමාවන් උල්ලංඝනය කරන තැපැල්පත් තැපෑලේදී සොයා ගතහොත් ඒවා ලිපි වශයෙන් සළකනු ලැබේ.
- කෙසේ නමුත්, සිදුකර ඇති එකම වරද වශයෙන් තැපැල් ගාස්තු සඳහා වන මුද්දර තැපැල්පතෙහි පිටුපස අලවා තිබේ නම්, අදාළ තැපැල් ගාස්තුව ගෙවා නොමැති බවට සළකනු ලැබේ.