ஒரு அஞ்சல் பொருள் மேலதிக கட்டணம் எதுவுமின்றி திருப்பி அனுப்பப்படலாம், ஆனால் அப்பொருள் விநியோகம்  செய்யப்பட்ட நாளிலோ அல்லது அதற்கு மறுநாளிலோ (ஞாயிற்றுக் கிழமைகள் மற்றும் பொது விடுமுறை நாட்கள் தவிர) முகவரியாளரின் முகவரால் மீண்டும் அஞ்சலிடப்பட்டால் மட்டுமே திருப்பி அனுப்பப்படும்.

திருப்பி விடப்படும் பொருட்கள் திறக்கப்பட்டிருக்கவோ அல்லது சேதப்படுத்தப்பட்டிருக்கவோ கூடாது. முகவரியாளரின்  பெயர் எந்த வகையிலும் மாற்றப்பட்டிருக்கக்  கூடாது. ஒரு புதிய முகவரியை உடைய  லேபிள் ஒட்டப்படுவதாயின், அது ஆரம்ப முகவரியாளரின்   பெயரை மறைக்கப்படாத வகையில் ஒட்டப்பட வேண்டும். அது மறைக்கப்பட்டால், அது கட்டணம் செலுத்தப்படாத பொருளாகக் கருதப்பட்டு, மேலதிக கட்டணம்  அறவிடப்படும்.

மேற்கூறிய காலத்திற்குப் பிறகு பொருள் திருப்பி அனுப்புவதற்காகச் சமர்ப்பிக்கப்பட்டால், அல்லது மீள அஞ்சலிடுவதற்கு முன் திறக்கப்பட்டு அல்லது சேதப்படுத்தப்பட்டு இருப்பின், அது புதிதாக அஞ்சலிடப்படும்  பொருளாகக் கருதப்பட்டு பொருந்தக்கூடிய வகைக்கு ஏற்ற கட்டணம் அறவிடப்படும்.