අපි ගැන
වර්ෂ 225 ට වඩා ඉතිහාසයක් ඇති ශ්රී ලංකා තැපෑල
ලංකාවේ පැරණිතම රාජ්ය ආයතනයක් වන ශ්රී ලංකා තැපැල් දෙපාර්තමේන්තුවට වසර 225 ට වඩා දීර්ඝ ඉතිහාසයක් ඇත. විවිධ අභියෝගවලට මුහුණ දෙමින්, විවිධ සේවාවන් සපයමින්, ඩිජිටල් සහ තාක්ෂණ ලෝකය ජයගැනීමේ නව ඉලක්ක සමඟින්, ශ්රී ලංකා තැපැල් දෙපාර්තමේන්තුව ඉදිරියට යමින් සිටී.
ඉදිරි දැක්ම
නව්යකරණය වූ බහුවිධ සේවා සැපයීම තුලින් විශිෂ්ඨතම සබඳතා සහකරු වීම
මෙහෙවර (ගමන් මඟ)
විශ්ව තැපැල් සංගමයේ ප්රමිතීන් සහ ශ්රි ලංකා රාජ්ය ප්රතිපත්තීන්ට අනුගත වෙමින්, සේවාලාභී තෘප්තිය උපරිම තලයකට ගෙන ඒම සඳහා ප්රසන්න වැඩ පරිසරයක් තුල අහිප්රේරිත කාර්යමණ්ඩලය හා නවීන තාක්ෂණය උපයෝගී කරගනිමින් වඩාත් නව්යකරණය වූ කාර්යක්ෂම, විශ්වාසනීය තැපැල් සේවාවක් සැපයීම.
අරමුණු
- පාරිභෝගික ඩිජිටල් ජීවන රටාවට ප්රතිචාර දක්වමින් පවත්නා සේවාවන්හි අගය වැඩිකිරීම හා නවෝත්පාදන සේවා නිර්මාණය කිරීම.
- දේශීය හා ජාත්යන්තර පාරිභෝගික විශ්වාසය දිනාගැනීම හා ඒ තුළින් දෙපාර්තමේන්තුව හා දිගුකාලීනව බැඳුණු පාර්ශවකරුවන්ගේ සංඛ්යාත්මක වර්ධනය.
- දේශීය හා ජාත්යන්තර තැපැල් බෙදීම් ජාලය හරහා සියළු තරාතිරම්හි පාරිභෝගිකයන් පහසුවෙන් හා ඉක්මණින් සම්බන්ධ කරවීම
- ආදායම් ප්රවර්ධනය තුළින් දෙපාර්තමේන්තුව භාණ්ඩාගාරය වෙත සිදුකරන අහිතකර පීඩනය අවම කිරීම.
- දෙපාර්තමේන්තු ඉලක්ක සාධන සියළු ක්රියාකාරකම් තුළින් තිරසර සංවර්ධන අභිමතාර්ථ සාක්ෂාත් කරලීමෙහි ප්රමුඛ කාර්යභාරයක් ඉටුකිරීම.
ප්රධාන කාර්යයන්
- නව තාක්ෂණික වෙළඳපොළ කේන්ද්රකොටගත්, තැපෑලේ අභිවෘද්ධිය සැලසිය හැකි උපාය මාර්ගික සංවර්ධන සැලැස්මක් සකස්කර ක්රියාත්මක කිරීම.
- දෙපාර්තමේන්තුව සතු සම්පත් උපරිම කාර්යක්ෂමතාවයකින් යුක්තව ප්රයෝජනයට ගැනීම සඳහා මැනවින් ස්ථානගතකිරීම, යෙදවීම, නඩත්තුව සහ සංවර්ධනය.
- දිවයින පුරා විහිදුණු තැපැල් කාර්යාල ජාලය බහුකාර්යය සේවාවන් සපයන වාණිජ මධ්යස්ථාන බවට පත්කිරීම.
- දිනපතා ගෙන්ගෙට සේවා සපයන පාරිභෝගික විශ්වාසය දිනූ තැපැල් බෙදීම් ජාලය ශක්තිමත් කිරීම සඳහා තරඟකාරිත්වයේ වාසි ලබා ගැනෙන නීති රීති සංශෝධනය කර තැපැල් භාණ්ඩ කාර්යක්ෂමව භාරගැනීම, ප්රවාහනය හා බෙදාහැරීම.
- මානව සම්පත අභිප්රේරණය හා කාර්මික සාමය පවත්වාගෙනයාම සඳහා අවශ්ය පත්කිරීම්, උසස්කිරීම්, ස්ථාන මාරු, විනය කටයුතු සිදු කිරීම.
- කාර්ය මණ්ඩල දැනුම, කුසලතා හා ආකල්ප සංවර්ධනය සඳහා අඛණ්ඩව පුහුණු සැලැස්මක් හා විධිමත් කාර්ය සාධන ඇගයීම් ක්රමවේදයක් හඳුන්වාදීම තුලින් කාර්යය මණ්ඩලය සවිබල ගැන්වීම, අභිප්රේරණය හා අපේක්ෂිත විනය පවත්වාගෙනයාම
- විගණනය හා විමර්ශනය ශක්තිමත් කිරීම තුළින් පාලනය විධිමත් කිරීම
- සීග්රයෙන් දියුණුවන යටිතල පහසුකම් උපයෝගීකර ගැනීමෙන් සපයන සේවාවන්හි ගුණාත්මකභාවය හා කාර්යක්ෂමතාවය ඉහළනැංවීම හා කාර්ය මණ්ඩලය සඳහා ප්රසන්න වැඩ පරිසරයක් නිර්මාණය කිරීම.
- වෙළඳ පොළ විශ්ලේෂණ සිදුකිරීම තුළින් කාලීන පාරිභෝගික අවශ්යතා සහ වෙළඳපොල ඉල්ලුම හඳුනාගැනීම.
- තැපැලේ සෑම ගණුදෙනුකරුවෙකුටම දැරියහැකි මට්ටමින් තැපැල් ගාස්තු පවත්වාගෙන යාම
- නූතන සන්නිවේදන තාක්ෂණය සමඟ වෙනස්වන වෙළඳපොළ හා පාරිභෝක අවශ්යතාවයන්ට ගැළපෙන පරිදි පවත්නා සේවාවන් නවීකරණය කිරීම හා නව සේවාවන් හඳුන්වාදීම හා ප්රචාරණය.
- විද්යාත්මක ක්රමවේදයකට අනුව සිදුකෙරෙන ආදායම් ඉලක්ක ලබාදීම හා පසු විපරම.
- ආකර්ශණීය තේමාවන් යටතේ ගුණාත්මක බවින් ඉහළ මුද්දර හා ඒ ආශ්රිත නිශ්පාදන ඉදිරිපත් කිරීම
- ශ්රී ලාංකීය අනන්යතාවය ජාත්යන්තරයට ගෙනයාමට හැකි මුද්දර විනෝදාංශය දෙස් විදෙස්හි ප්රචලිත කිරීම.
- වෙනස්වෙමින් පවතින තත්වයන්ට අනුව කටයුතුකිරීම පිණිස පද්ධති සරල කිරීම සහ ක්රියාදාම යළි සකස්කිරීම සඳහා මාර්ගෝපදේශ වැඩිදියුණු කිරීම ක්රියාවට නැංවීම.
